Actividades Audiovisuais

Ola lectores e lectoras!

Hoxe veño a falarvos sobre a ferramenta que utilicei para a creación dun recurso audiovisual, fixen un Stopmotion. O primeiro paso, e quizás o máis importante, foi a elección do tema. Tendo en conta que todo o que realizamos neste Blog está pensado para mellorar o aprendizaxe de nenos e nenas que padecen TEA, cunha idade entorno aos 8-9 anos (4º Ed. Primaria), elixín o tema das emocións, estes cativos/as soen ter problemas para empatizar coa xente e incluso expresar as súas propias emocións. Esta foi a principal razón da elección do tema.

É un stopmotion breve, ten una duración de 1 minuto e 8 segundos, apenas ten explicacións é meramente visual. Este recurso esta pensado como introdución do tema das emocións. A idea é que os nenos e nenas o vexan e identifiquen os emoticonos que aparecen co estado de ánimo que lle corresponda.

Este colectivo ten una capacidade destacable, posúen unha gran memoria visual. Considero que a visualización do Stopmotion xunto con unha explicación breve da mestra ou mestre lle servirá de moito para poder comezar a interpretar as súas propias emocións e as das persoas que lle rodean. Permitindo un aprendizaxe visual, simple e divertido.

A hora de realizalo é unha tarefa laboriosa, non é difícil nin se fai pesada pero leva moito tempo e require unha boa organización e paciencia.

Debemos ter en conta todos os materias que nos farán falta para levalo a cabo e establecer un orde. Eu para realizala primeiro collín os emoticonos de internet e para imprimilos busquei os máis representativos e a súa vez os que mais calidade tiveran. Fixen as letras do título con folios de colores e escribín as emocións letra a letra, para que o recurso tivese máis movemento.

Coloquei o escenario, que neste caso era o escritorio, xa que é un taboleiro branco. Para colocar a cámara de forma inmóbil situei dúas banquetas nos estremos da mesa e sobre elas dous paos cunha base de cartón no medio, onde repousaba a cámara. A cámara non a movín ata que rematei de sacar todas as fotos.

Para a realización escollín Movie Maker. Este é un editor de vídeo que che permite crear ferramentas audiovisuais, ben facendo un enlace de fotos, como é o Stopmotion, ou editar vídeos xa elaborados. Considero que é unha aplicación moi práctica e a vez moi sinxela de utilizar. Soamente tes que seleccionar todas as fotos e comprobar o que se introduciron na orde correcta, comprobar que está ben dúas ou tres veces e poñer a música. En apenas 40 minutos tiña o recurso finalizado.

Esto foi todo por hoxe, espero que vos sirva de utilidade. Ata a próxima!