Actividades multimedia II

Moi boas lectores e lectoras!

De novo, outra semana máis polo blog, veño a contarvos o que fixemos nesta sesión coas seguintes tres actividadesmultimedia interactivas.

Esta semana traballamos coa aplicación HotPotatoes, plataforma dixital que permite crear recursos ou actividades educativas visuais.

O contido das tres actividades que elaborei pertence á materia de Ciencias Naturais de cuarto de educación primaria.

A primeira actividade é un encrucillado sobre animais invertebrados, o segundo recurso trátase dunha actividade sobre os animais vertebrados na que hai que emparellar a columna da esquerda con unha das cinco opcións da dereita e por último creei un test sobre o reino das algas, fungos e bacterias.

Estas actividades están pensadas para realizar unha vez finalizado o tema dos seres vivos, para relacionar os contidos aprendidos na aula e que estes lle queden moito máis claros ao alumnado.

Estas tres actividades pódense traballar nunha aula ordinaria con todo o alumnado nas pizarras dixitais, dunha maneira inclusiva. Polo que cabe destacar que axudarán ao alumnado con TEA  a traballar con seus compañeiros e compañeiras na aula, ao mesmo tempo que traballan as dificultades que poden encontrar en relacionar as ideas ou contidos do tema.

Espero que vos guste. Vémonos pronto!